Aqmola jáne Qostanaı oblystarynda jol jabyldy

NUR-SULTAN. QazAqparat – Qazaqstannyń eki oblysynda aýa raıyna baılanysty kólik qozǵalysyna shekteý qoıyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Aqmola oblysynda 7 naýryz kúni saǵat 20:30-da qar jaýyp, burqasyndatyp, joldyń kórinýi qıyndaýyna baılanysty «Şýchınsk-Zerendi» avtojolynyń 0-80 shaqyrymy, atap aıtqanda Şýchınsk qalasy men Zerendi aýylynyń aralyǵyndaǵy jol bóligi barlyq kólikter úshin jabyldy.

Sondaı-aq saǵat 21:30-da «Qostanaı-Áýlıekól-Suraǵan» avtojolynyń 232-260 shaqyrymy, Qostanaı oblysynyń shekarasy men Suraǵan aýylynyń aralyǵy, «Jezqazǵan-Petropavl» tasjolynyń 440-552 shaqyrymy, Derjavınsk qalasy men Suraǵan aýylynyń aralyǵynda, «Jaqsy-Esil-Buzlyq» atojolynyń 70-82 shaqyrymy, Aksaı-Buzlyq aýyldarynyń aralyǵynda júk kólikteriniń júrýine shekteý qoıyldy.

Qostanaı oblysyna 7 naýryz kúni saǵat 21:45-te jel kúsheıip, jaıaý burqasyn soǵýyna baılanysty «Qostanaı-Áýlıekól-Surgan» avtojolynyń 108-232 shaqyrymy, Áýlıekól aýyly men Aqmola oblysynyń shekarasy arasyndaǵy jol bóligimen júk kólikteriniń júrýine tyıym salyndy.