Aqmola jáne Atyraý oblystarynda órt saldarynan 2 adam qaza tapty

<p>ASTANA. KAZINFORM &ndash; Aqmola men Atyraý oblystarynda bolǵan órtterden 2 adam qaza boldy, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

Baspasóz qyzmetiniń málimetterine qaraǵanda, 19 aqpanda Atyraý qalasynyń «Jeruıyq» shaǵyn aýdanyndaǵy eki qabatty jeke turǵyn úıde 25 sharshy metr aýmaqta órt boldy. Órt sóndirýshiler barlaý jumystary kezinde 1954 jyly týǵan er adamnyń denesin tapty. Órt sóndirýshilerdiń jedel áreketiniń nátıjesinde órttiń basqa bólmelerge taralýynyń aldyn alýǵa múmkindik týdy.

Sondaı-aq 19 aqpanda Aqmola oblysy Egindikól aýdany Baýmanskoe aýylynda eki páterli jer úıdiń páterinde 80 sharshy metr aýmaqta órt boldy. Órt ornynda úıindilerdi tazalaý kezinde 1970 jylǵy azamattyń máıiti tabyldy.

«Órtterdiń shyǵý sebepteri anyqtalýda. TJM azamattardy jylytý maýsymynda turǵyn úıler men kúndelikti ómirde órt qaýipsizdigi erejelerin qatań saqtaýǵa shaqyrady!»,-delingen habarlamada.