Aqmola turǵyny úı kezeginen shyǵaryp tastaǵany úshin ákimdikti sotqa berdi
Aqmola oblysy Zerendi aýdandyq sotynyń tóraǵasy Qaırat Hasenovtyń aıtýynsha, jergilikti turǵyn Zerendi aýdanynyń ákimin sotqa bergen.
Ol talap aryzynda Zerendi aýdanynyń turǵyn úı-kommýnaldyq sharýashylyǵy, turǵyn úı ınspektsııasy, jolaýshylar kóligi jáne avtomobıl joldary bólimine turǵyn úı alý úshin kezekte turý quqyǵy buzylǵanyn aıtqan.
«Іstiń máni mynada: azamatsha M. - Zerendi aýylynyń turǵylyqty turǵyny. Jalǵyz ózi eki balany tárbıelep ósirdi. 1988 jyldan bastap aýdandyq aýrýhanada medbıke bolyp jumys isteıdi, 30 jyldan astam eńbek ótili bar. Jyldar óte kele, sondaı-aq densaýlyǵy men ómir súrý jaǵdaıynyń nasharlaýyna baılanysty áıel memlekettik turǵyn úı qorynan áleýmettik turǵyn úı alý úshin memlekettik organǵa júginip, kezekke turýdy sheshti. 2008 jyly azamatsha M. Zerendi aýdanynyń turǵyn úı-kommýnaldyq sharýashylyǵy, turǵyn úı ınspektsııasy, jolaýshylar kóligi jáne avtomobıl joldary bóliminde memleketten áleýmettik turǵyn úı alý kezeginde tirkeldi», - dedi Q.Hasenov.
Al, 2019 jyldyń tamyzynda ol osy kezekte toǵyzynshy boldy, biraq 2021 jyldyń tamyzynda ol «sanattyń rastalmaýyna» baılanysty, ıaǵnı bıýdjettik uıymda áli de jumys isteıtindigin ýaqtyly rastamaǵandyqtan kezekte turǵandar tiziminen shyǵarylǵan.
«Árıne, bul áıel úshin aýyr soqqy boldy. Uzaq jyldar boıy ol aýdandyq emhanada adal eńbek etip, naýqastarǵa kómektesip keldi. Osy ýaqyt ishinde óziniń turǵyn úı jaǵdaıyn jaqsartatyn kúndi kútti. Sot tóreligin izdeýde azamatsha M. memleketten turǵyn úı alý kezeginde ony qalpyna keltirý úshin óz múddesin qorǵaý týraly ákimshilik talappen sotqa júgindi», - dep túsindirdi sot tóraǵasy.
2021 jylǵy 1 shildeden bastap qoldanysqa engizilgen QR Ákimshilik kodeksine sáıkes, aýdandyq sotta ákimshilik isti qaraý barysynda jaýapkerlerdiń, atap aıtqanda memlekettik mekemelerdiń ókilderi áıeldi áleýmettik turǵyn úı alý kezeginde qalpyna keltirý týraly málimdelgen ákimshilik talap-aryzdy moıyndady.
Sotta taraptar atalǵan daýdy medıatsııa tártibimen tatýlasý jolymen sheshýge sheshim qabyldady, ıaǵnı memlekettik organ áıeldi áleýmettik turǵyn úı alýǵa burynǵy kezekte qalpyna keltirý týraly kelisimge keldi.
«Sot taraptar jasasqan tatýlasý kelisimin bekitti jáne áıeldiń memleketten turǵyn úı alýǵa burynǵy kezegi de qalpyna keldi. Onyń buzylǵan quqyqtary qalpyna keltirildi jáne oǵan memleket esebinen otbasymen birge turý úshin jeke turǵyn úı alý múmkindigi qamtamasyz etildi», - dep tolyqtyrdy Q.Hasenov.