Aqmola turǵyny qurylys alańynda bir qolynan aıyryldy

KÓKShETAÝ. QazAqparat – Aqmola oblysynda qurylys jumystary kezinde 49 jastaǵy er adamnyń qolyn beton aralastyrǵysh julyp áketti, dep habarlaıdy QazAqparat tilshisi oblystyq polıtsııa departameniniń baspasóz qyzmetine silteme jasap.

Vedomstvonyń málimetinshe, Kókshetaý qalalyq PB kezekshi bólimine oblys ortalyǵyndaǵy medıtsınalyq mekemeniń qyzmetkeri habarlasqan.

Ol stantsıonarǵa «oń jaq bilektiń úshten bir bóliginiń travmatıkalyq ampýtatsııasy, oń jaq ıyqtyń jabyq synýy» dıagnozymen er adam jetkizilgenin aıtty.

«Anyqtalǵandaı, jazataıym oqıǵa bıylǵy 28 naýryzda bolǵan. Qurylys jumystary kezinde er adamnyń qoly beton aralastyrǵyshqa qysylyp qalǵan. Zardap shekken Şýchınsk qalasynyń 49 jastaǵy turǵyny aýrýhanaǵa jatqyzyldy. Polıtsııa basqarmasy osy derekke qatysty QR QK 156-babynyń 2-bóligi «eńbekti qorǵaý erejelerin buzý» boıynsha sotqa deıingi tergeýdi bastady», - dedi vedomstvodan.

Sonymen birge, qazirgi kezde memlekettik eńbek ınspektory tarapynan tekseris qolǵa alynyp, sot-medıtsınalyq saraptama taǵaıyndaldy.

Aıta ketsek, buǵan deıin Aqmola oblysynda qonaqta otyrǵanda óńeshine et turyp qalǵan er adam qaıtys bolǵan edi.