Aqmola turǵynynyń úıinen 8 keli marıhýana tabyldy

<p>Astrahan aýdanynyń 35 jastaǵy turǵynynyń úıinen iri kólemde keptirilgen esirtki zaty tabyldy, dep habarlaıdy Kazinform Aqmola oblystyq PD baspasóz qyzmetine silteme jasap.</p>

Vedomstvonyń málimetinshe, kúdikti basqa qylmystyq is boıynsha tergelip jatyr. Endi Qylmystyq kodekstiń birneshe baby boıynsha zań aldynda jaýap beredi. 

Júrgizilgen tergeý is-sharalarynyń nátıjesinde quqyq qorǵaý organdary keptirilgen marıhýana esirtki zatyn taýyp, tárkiledi.

Saraptama kórsetkendeı, alynǵan zattyń salmaǵy - 8 kg asady.

Anyqtalǵandaı, er adam jubaıy jáne balasymen birge turady.

Sonymen birge, onyń úıinen oqý-jattyǵý granatasy jáne pyshaq tabylyp, saraptamaǵa jiberildi.

«Qazirgi kezde kúdikti ýaqytsha ustaý oqshaýlaǵyshyna qamalyp, Qylmystyq kodekstiń 296-baby 4-bóligi (esirtki quraldaryn zańsyz saqtaý) jáne 287-baby 3-bóligi (qarýdy zańsyz saqtaý) boıynsha sotqa deıingi tergeý amaldary júrgizilýde, - dep túsindirdi vedomstvodan.

Aıta ketsek, budan buryn Aqmola oblysynyń Esil aýdanynda 50 jastaǵy turǵyn úıinde 6 kg keptirilgen marıhýana saqtaǵanyn jazǵan edik.