Aqmola, Soltústik Qazaqstan oblystaryndaǵy ózen-kólderde sý deńgeıi kóterilýi múmkin

ASTANA. QazAqparat – «Qazgıdromet» RMK eki óńirdegi ózen-kólderde sý deńgeıi kóterilýi múmkin ekendigin eskertti, dep habarlaıdy QazAqparat.

Atap aıtqanda, Aqmola jáne Soltústik Qazaqstan oblystarynda

7-9 sáýir kúnderi joǵaryda ornalasqan ózenderden erigen qar sýynyń kelýinen jáne taý betkeılerinen sýdyń aǵýynan Esil ózeni basseıniniń deńgeıi odan ári kóterile beredi.

Aqmola oblysynda:

- Atbasar qalasyndaǵy Jabaı ózeninde sý deńgeıi odan ári kóteriletini boljanady (6 sáýir saǵat 16.00-de – 657 sm, qaýipti deńgeı – 650 sm);
- Qalqutan aýylyndaǵy Qalqutan ózeninde sý deńgeıi odan ári qaýipti deńgeıge kóterilýi yqtımal (6 sáýir saǵat 16.00-de – 433 sm, qaýipti deńgeı – 570 sm).
Soltústik Qazaqstan oblysynda:
- Rýzaevka aýylyndaǵy Sharyq ózeninde sý deńgeıi odan ári qaýipti deńgeıge joǵarylaıdy (6 sáýir saǵat 16.00-de – 479 sm, qaýipti deńgeı – 570 sm);
- Kreşenka aýylyndaǵy Esil ózeninde sý deńgeıi kóterile beredi (6 sáýir saǵat 16.00-de – 1426 sm, qaýipti deńgeı – 1400 sm).
«Sý qaýipti deńgeıden asqan jaǵdaıda ózenniń tómengi aǵysynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi bolýy yqtımal», - delingen Qazgıdromet habarlamasynda.