Aqmola, SQO sý qoımalary 100% toldy

<p>ASTANA. KAZINFORM &ndash; Sý resýrstary jáne ırrıgatsııa mınıstrliginiń resmı ókili Móldir Ábdýalıeva elimizdegi sý qoımalaryndaǵy jaǵdaıdy baıandady.</p>

«Batys Qazaqstan oblysynyń tórt iri sý qoımasy orta eseppen 88,5%-ǵa toldy. Oral qalasyndaǵy Jaıyq ózeniniń deńgeıi – 828 sm, ol bir táýlikte 10 sm-ge tómendedi», - dedi Móldir Ábdýalıeva Ortalyq kommýnıkatsııalar qyzmetinde ótken baspasóz máslıhatynda.

Aqmola oblysynda Astana jáne Sileti sý qoımalary 100%-ǵa toly.

Soltústik Qazaqstan oblysyndaǵy 2 iri sý qoımasy da 100%-ǵa toly.

Aqtóbe oblysynda eki iri sý qoımasynyń ortasha sý jınaý kórsetkishi – 97%.

Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi – shamamen 83%.

Abaı oblysynda Shúlbi sý qoımasy 39%-ǵa toldy.

Qaraǵandy oblysynda 3 iri sý qoımasy 98,5%-ǵa toly.

Qostanaı oblysynda eki iri sý qoımasynyń ortasha sý jınaý kórsetkishi –92%.

«Sý qoımalaryna jınalǵan tasqyn sýy odan ári aýylsharýashylyǵy men ónerkásipte paıdalaný úshin jiberiledi», - dedi spıker. 

Aıta keteıik, Shyǵys Qazaqstan oblysynyń «Qazsýshar» fılıaly 37 myńnan astam turǵyny bar 28 eldi mekendi sý tasqynynan qorǵap qaldy.