Aqmola, Shyǵys Qazaqstan oblystarynda úsik júredi - Qazgıdromet

Atmosferalyq frontaldy bólimderdiń ótýine baılanysty QR basym bóliginde turaqsyz kún qubylmaly bolady, dep habarlaıdy QazAqparat «Qazgıdromet» RKM-na silteme jasap.

Kásiporyn taratqan derekterge qaraǵanda, búgin naızaǵaı oınap, jańbyr jaýady. Túnde elimizdiń ońtústik - shyǵysyndaǵy taýly aýdandarda jańbyr, qar aralas jańbyr jaýady. Respýblıka boıynsha ońtústikte, soltústik-batysta, ońtústik-shyǵysta - ekpindi jel, batysta, soltústikte, soltústik-batysta, shyǵysta, ortalyqta – tuman kútiledi.

Qyzylorda oblysynyń ortalyǵynda, shyǵysynda, Ulytaý oblysynyń ońtústiginde, tótenshe órt qaýpi saqtalady.

Jambyl, Túrkistan oblystarynda, Qaraǵandy oblysynyń ońtústiginde, Almaty oblysynyń soltústik jartysynda joǵary órt qaýpi saqtalady.

Aqmola oblysynyń soltústik-shyǵysynda, Shyǵys Qazaqstan oblysynyń shyǵysynda topyraq betinde 1 gradýs úsik kútiledi.