Aqmola polıtseıleri eldi mekenge kirgen elikti aýlaý deregin tergep jatyr

<p>Polıtseıler anyqtaǵandaı, 26 qańtarda aýyl turǵyny turǵylyqty úıiniń terezesinen eldi mekenge kirip, kórshi úıdiń aýmaǵynda júrgen úsh sibir eligin kórgen.</p>

«Er adam úıde saqtalǵan TOZ markaly myltyqty alyp, jabaıy janýarlarǵa birneshe ret oq jaýdyrdy. Bir elikke oq tıdi, basqalary qashyp qutyldy. Sodan keıin aýyl turǵyny tushany soıý úshin sharýashylyq ǵımarattarǵa apardy, alaıda polıtseıler ony sol jerde ustady», — dep jazdy óńirdegi polıtsııa departamentinen.

Polıtseılerdiń zańsyz ań aýlaý faktisi boıynsha sotqa deıingi is júrgizý bastaldy.

Sondaı-aq, saraptamaǵa er adamnyń ákesinen qalǵan, biraq tıisti túrde polıtsııada tirkelmegen qarý-jaraq jiberildi. Saraptama nátıjeleri boıynsha tergeýshilermen sońǵy protsessýaldyq sheshim qabyldanatyn bolady.