Aqmola polıtsııasy iri kólemde alaıaqtyq jasaǵan áıeldi izdestirýde

KÓKShETAÝ. QazAqparat - Aqmola polıtsııasy iri kólemde alaıaqtyq qylmys jasaǵan áıeldi izdeýde, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 06.05.1976 jylǵy Aısulý Sábıtqyzy Seksembaeva Soltústik Qazaqstan oblysy Esperli aýylynyń týmasy. Boıy 165-170 santımetr, dene bitimi tolyqsha kelgen, bet álpeti aqshyl, sopaq, kózderi úlken, jasyl tústi, tik muryndy, shashy qara, ıyǵyna túsken.

«Aısulý Sábıtqyzy Seksembaeva iri kólimdegi alaıaqtyq qylmys jasaǵany úshin (Qylmystyq kodekstiń 190-babynyń 4-bólimi boıynsha) izdestirilýde. Bultarpaý «qamaýda ustaý» sharasy tańdalyp otyr», - dedi vedomstvodan.

Osy rette, polıtsııa qyzmetkerleri izdeýde júrgen qylmysker boıynsha qandaı da bir aqparat bolǵan jaǵdaıda 8(7162)29-10-09, 29-11-14, 87071198719, 87761106565, nemese 102 telefon nómirine habarlasýdy suraıdy.