Aqmola polıtseıleri qaıyrymdylyq kontsert ótkizip, aqshasyn muqtaj balalarǵa úlestirdi

KÓKShETAÝ. QazAqparat - Aqmolalyq polıtseıler qaıyrymdylyq kontsertter serııasyn ótkizip, jınalǵan 1,7 mıllıon teńgeden astam qarjyny qymbat emge muqtaj balalarǵa úlestirdi, dep habarlaıdy QazAqparat tilshisi oblystyq PD baspasóz qyzmetine silteme jasap.

Aqmola oblysynyń polıtsııa departamenti Qazaqstan Respýblıkasy Táýelsizdiginiń 30 jyldyǵyna arnalǵan «30 ıgi is» aktsııasyn uıymdastyrdy. Osy aktsııa aıasynda polıtsııa vedomstvosynyń shyǵarmashylyq toby emdelýge muqtaj balalarǵa kómek kórsetý úshin qaıyrymdylyq kontsertter serııasyn ótkizdi. Mundaı kontsertter Aqmola oblysynyń Zerendi, Astrahan, Bulandy, Tselınograd jáne Shortandy aýdandarynda uıymdastyryldy. Ony ótkizýge úlken daıyndyq júrgizildi. Tártip saqshylary repertýar men sahnalyq beınelerdi muqııat tańdady, ómir súrý jáne baqytty balalyq shaq quqyǵy úshin kishkentaı batyl kúreskerler týraly beınesıýjetter daıyndady. Áleýmettik jeliler men WhatsApp messendjerindegi chattar arqyly óńirlerdiń turǵyndary aldaǵy kontsertterge shaqyryldy.

«Ótkizilgen sharanyń maqsaty - erekshe qajettilikteri bar balalarǵa kómek kórsetý. Biz aktsııa barysynda qaza tapqan qyzmetkerlerdiń otbasylarymen, qarttar úılerimen tyǵyz qarym-qatynas jasaımyz, az qamtylǵan otbasylarǵa kómek kórsetemiz, balalar úılerine bardyq», - dedi Polıtsııa departamenti kadr saıasaty basqarmasynyń aǵa ınspektory polıtsııa podpolkovnıgi Aıagóz Qalıeva.

Alǵashqy kontsert aǵymdaǵy jyldyń 1 qarashasynda Zerendi aýdanynda ótti. Aýdandyq mádenıet úıiniń ǵımaratyna jınalǵan jergilikti turǵyndar 6 jasar Olga Efremovaǵa kómek qolyn sozdy. Qyzda mı isigi bar. Osyndaı kontsertter Astrahan, Bulandy, Tselınograd jáne Shortandy aýdandarynda da uıymdastyryldy.

Qaıyrymdylyq kontsertterin ótkizý barysynda aqmolalyq polıtseıler balalarǵa 1,7 mıllıon teńgeden astam qarajat jınap berdi. Kómek qoldaý alǵan balalardyń týystary men jaqyndary tártip saqshylaryna shynaıy alǵystaryn bildirdi.