Aqmola polıtseıleri 800-ge jýyq kólik tizbekterin mejeli jerge jetkizdi

ASTANA. QazAqparat – Aqmola polıtseıleri 800-ge jýyq kólikten turatyn 5 avtotizbekti mejeli jerge jetkizdi, dep habarlaıdy QazAqparat polisia.kz telegram kanalyna silteme jasap.

Tártip saqshylary jol-kommýnaldyq qyzmettermen birlesip, kúrdeli klımattyq jaǵdaılar, ıaǵnı qar, kóktaıǵaq, jańbyr baıqalǵan avtojoldardyń jabylýyna baılanysty trassada qalǵan avtokólikterdi tizbekpen ertip júrýdi qamtamasyz etti.

Patrýldik jasaqtar 770 kólik quralyna, onyń ishinde 625 jeńil, 145 júk mashınalaryna birneshe baǵytta erip júrdi.

Atap aıtqanda, bul shara Ekaterınbýrg - Almaty halyqaralyq mańyzy bar trassasynyń Jaqsy kentinen Qajymuqan aýylyna deıingi, Astana - Petropavl respýblıkalyq mańyzy bar trassasynyń Qostanaı qalasy shekarasyna deıingi Jaqsy-Esil - Buzylyq, Astanadan Şýchınskige deıingi Jezqazǵan - Petropavl, sondaı-aq Qostanaı - Áýlıekól - Sýrǵan, Kókshetaý-Atbasar trassalary jáne Astana-Ereımentaý-Shiderti jolynda atqaryldy.

Polıtsııa júrgizýshilerden avtojoldardyń jabylǵany týraly habarlamany eskerýdi, eldi mekenderden tys jerlerge barmaýdy suraıdy.