Aqmola polıtseıleri 7 mln teńgeniń malyn urlaǵan kúdiktilerdi ustady
Jaqsy aýdanynyń Belaǵash aýylynyń turǵyny 12 tamyzda usaq maldyń urlanǵany týraly ótinishpen júgindi.
Jergilikti kásipkerdiń aıtýynsha, belgisiz bireýler shalǵaı ýchaskeniń aýmaǵynan 123 qoıdy urlap ketken. Polıtseıler mán-jaılardy teksere kele, qaskúnemniń jazǵy sharbaǵynan maldardy alyp, aýyl turǵynyna 7 mln teńgeden astam zalal keltirgenin anyqtady.
Osy faktige qatysty polıtsııa qyzmetkerleri QR QK-niń 188-1-baby 4-bóligi (Mal urlyǵy) boıynsha sotqa deıingi tergep-tekserýdi bastady jáne jedel-izdestirý is-sharalarynyń keshenin júrgizdi.
Qabyldanǵan sharalardyń nátıjesinde Jaqsy aýdanynyń polıtsııa bóliminiń qyzmetkerleri qysqa merzimde iri urlyq jasady degen kúdikke ilingen toptyń 4 múshesin áshkerelep, ustady. Bir qyzyǵy, ustalǵandardyń biri jábirlenýshiniń týǵan jıeni bolyp shyqty jáne ol mal basynyń sany men ornalasqan jeri týraly naqty aqparatty bilgen.
Tergeý áreketterin júrgizý kezinde ustalǵandardyń tórteýi de Atbasar qalasynyń turǵyndary jáne et ónimderin satyp alýshylar ekeni anyqtaldy. Olar urlanǵan qoılardyń etin jergilikti dámhanalarǵa, et satý dúkenderine jáne jeke adamdarǵa satqan. Barlyq aıǵaqtar arnaıy tergeý is-sharalary barysynda rastaldy. Qazirgi ýaqytta qylmystyq isti tergeý jalǵasyp jatyr. Polıtseıler ustalǵandardyń aımaq aýmaǵyndaǵy basqa da osyndaı qylmysqa qatysy bar-joǵyn tekserip jatyr.
Aqparat kózi Polisia.kz saıtynda: