Aqmola polıtseıleri 424 kólikten turatyn kolonnany Şýchınskiden Astanaǵa jetkizdi
8 qańtarǵa qaraǵan túni kún raıynyń qolaısyzdyǵyna baılanysty 424 avtokólikten, onyń ishinde 382 jeńil jáne 42 júk kóliginen turatyn kolonna Şýchınsk qalasynan Astanaǵa deıin jetkizildi. Kólikter tizbegin jergilikti polıtsııa qyzmeti basqarmasynyń bastyǵy Aslan Qyzbıkenov basqardy.
Jalpy, eki kúnniń ishinde Aqmola polıtseıleri 988 kóliktiń qaýipsizdigin qamtamasyz etti. Aıta ketsek, 7 qańtarda saǵat 15:00 shamasynda Astana-Petropavl avtojolynyń 265-shaqyrymynda patrýldik polıtsııa batalony «Tulpar 10» ekıpajynyń músheleri Rýslan Qasqulaqov pen Jaqsylyq Baıdýlın DAF markaly avtokóligin kóredi. Petropavl qalasyna bara jatqan elorda turǵyny rýldi basqara almaı, kıývetke aýdarylyp ketken. Avtojoldyń osy ýchaskesine monıtorıng júrgizgen tártip saqshylary ótip bara jatqan «Ýral» markaly avtokólik júrgizýshisiniń kómegine júgingen.
Vıdeodan alynǵan kadr