Aqmola pedagogtaryna Oksford baspasynyń sertıfıkattary tapsyryldy
Oblystyq bilim basqarmasy baspasóz qyzmetiniń málimeti boıynsha, Kókshetaý qalasynda aǵylshyn tili muǵalimderine arnalǵan "Aǵylshyn tilin oqytýda oqytýdyń zamanaýı ádisterin jáne jańa oqytý resýrstaryn qoldaný» taqyrybynda trenıngtik kýrs ótkizildi.
Oǵan oblystyń ər óńirinen jınalǵan 80 jýyq aǵylshyn tiliniń muǵalimderi qatysty. Trenıgti «Oxford University Press» baspa úıiniń halyqaralyq dárisker Pol Výdfoll júrgizdi.
Uıymdastyrýshylardyń sózinshe, atalǵan is-sharanyń maqsaty - 2017-2018 oqý jyly bilim berý protsesine engizilgen English Plus KZ edition Oxford University Press baspasynyń 5 jáne 7 synyptarǵa arnalǵan jańartylǵan bilim berý mazmuny boıynsha oqytý trenıngterin ótkizý, sonymen qatar Aqmola oblysynyń aǵylshyn tili muǵalimderin oqytýdyń jańa tehnologııalarmen jáne ádistemesimen tanystyrý. «Oxford University Press» baspa úıiniń resmı ókili «InterPress» ádistemelik-keńes berý ortalyǵy Aqmola oblysy bilim basqarmasynyń qoldaýymen osymen ekinshi ret óńir muǵalimderine sheberlik synybyn ótkizýde.
"Pedagogtarmen óte tıimdi trenıng ótti. Barlyǵy belsendi bolǵandyqtan, aýdıtorııamen jumys isteý yńǵaıly. Muǵalimderge tapsyrmalar men jattyǵýlar berdim jáne olar ony oıdaǵydaı oryndady. Aqmola pedagogtarynyń joǵary kásibıligin atap ótkim keledi. Trenıng sońynda pedagogtardan alynǵan bilimderin tájirıbede qoldana ma ekenin surap edim, oǵan naqty jáne kóp márte ıá degen jaýap aldym", - dedi Pol Výdfoll.