Aqmola óńirinde oblys, qalaaralyq avtobýstardyń qozǵalysyna tyıym salyndy
Aýdandar men Kókshetaý jáne Stepnogor qalalarynyń ákimderine buqaralyq is-sharalardy (merekelik, sporttyq-buqaralyq, oıyn-saýyq mádenı-buqaralyq is-sharalardy, forýmdar, konferentsııalar, semınarlar, kórmeler jáne t.b.), otbasylyq, estelik is-sharalardy (banketter, úılený toılary, mereıtoılar, eske alý) jáne adamdar kóp jınalatyn ózge de is-sharalardy, onyń ishinde úıde ótkizýge tyıym salýdy qamtamasyz etý tapsyryldy.
Sondaı-aq, oıyn-saýyq mekemeleriniń (karaoke, bılıard, kompıýterlik klýbtar, túngi klýbtar, boýlıng ortalyqtary, balalar oıyn alańdary, jabyq ǵımarattardaǵy attraktsıondar, batýttar jáne basqalar) qyzmetine, býkmekerlik keńselerdiń, eresekter men balalarǵa arnalǵan basqa da oıyn-saýyq, kalıan oryndarynyń (onyń ishinde qoǵamdyq tamaqtaný obektileri janyndaǵy) qyzmetine tyıym salynady.
Sonymen qatar, banket zaldarynyń, mádenıet obektileriniń ( jeke, toptyq daıyndyqtar) qyzmetine, sportshylardyń oqý-jattyǵý jıyndary men jarystarǵa qatysý úshin Qazaqstan Respýblıkasynan tys jerlerge shyǵýyna tyıym salynady. Kezekshi toptardy qospaǵanda, mektepke deıingi balalar mekemeleriniń qyzmetine tyıym salynady. Mektepke deıingi balalar mekemeleriniń kezekshi toptarynyń qyzmetine 15 adamnan aspaıtyn toptardyń jınaqtalýyn saqtaǵan kezde jol beriledi. Oblysaralyq, qalaaralyq turaqty avtobýstardyń, shaǵyn avtobýstardyń, oblysaralyq turaqty emes ( týrıstik) tasymaldardyń, qalalyq turaqty emes (týrıstik) tasymaldardyń qozǵalysy toqtatyla turady.
Budan bólek, qala mańyndaǵy jolaýshylar poıyzdary, elektr poıyzdary, jolaýshylar poıyzdarynyń jalpy vagondarsyz júrýine ruqsat etiledi. Óńirler arasynda jeke avtokóliktiń qozǵalysyna ruqsat etiledi. Keńester, otyrystardy QR MTJB №67 3-qosymshaǵa sáıkes algorıtmdi saqtaı otyryp, kúndizgi rejımde (olardy qashyqtyqtan ótkizý múmkindigi bolmaǵan kezde) ótkizýge ruqsat etiledi. Dinı obektilerdiń (meshitter, shirkeýler, soborlar, sınagogalar jáne basqalar) qyzmetine belgilengen talaptar saqtalǵan kezde jáne ujymdyq is-sharalar ótkizilmesten ruqsat etiledi.
Sondaı-aq, kitaphanalardyń, murajaılardyń, gúl dúkenderiniń, fotosalondardyń qyzmetine ruqsat etiledi. Teatrlar men kınoteatrlardyń qyzmeti toqtatylady. Fýdkorttarǵa SOO jáne saýda úıleriniń janynda jumys isteýge ruqsat etiledi ( jumysty 10 saǵattan 20 saǵatqa deıin shekteı otyryp, jetkizý jáne shyǵarý ǵana).
Eske sala keteıik, 2021 jylǵy 16 qańtardaǵy Qazaqstan óńirlerindegi epıdemıologııalyq jaǵdaıdy baǵalaý matrıtsasyna sáıkes, Nur-Sultan qalasy men Qostanaı jáne Aqmola oblystary «qyzyl aımaq» ótip otyr.
Sondaı-aq, búgin Aqmola oblysynyń bas memlekettik sanıtarlyq dárigeri Aınagúl Mýsına Shoqyný meıramyn toılaýǵa baılanysty karantındik shekteýler týraly Qaýlyǵa qol qoıdy. Sol arqyly oblysta shoqyný meıramy kezinde turǵyndarǵa jappaı shomylýǵa tyıym salyndy.