Aqmola oblysynyń zańsyz jumys istep júrgen Nıgerııa azamaty ustaldy
Aqmola oblysy Polıtsııa departamenti kóshi-qon qyzmeti men Qosshy qalasynyń Polıtsııa basqarmasynyń qyzmetkerleri birlesip «Kelimsek» respýblıkalyq jedel aldyn alý sharasyn ótkizýde. Aktsııa barysynda oblys aýmaǵynda zańsyz jumys istegen Nıgerııa azamaty anyqtaldy.
«Shetel azamaty 2022 jylǵy maýsymǵa deıin JShS dırektorynyń orynbasary retinde vıza alyp, alǵan vızamen baılanysty emes is-áreketterdi is júzinde júzege asyrdy. Tekserý nátıjesi boıynsha sheteldik azamat QR ÁQBtK-niń 517-babynyń 5-bóligi boıynsha ákimshilik jaýapqa tartyldy», - dedi vedomstvodan.
Osy sanktsııaǵa sáıkes, shetel azamatyna 25 aılyq eseptik kórsetkish (72 925 teńge) mólsherinde aıyppul salynýy nemese 10 táýlikke deıingi merzimge ákimshilik qamaýǵa alynýy, ıá bolmasa elden ákimshilik jolmen shyǵarylýy múmkin.