Aqmola oblysynyń úzdik taýar óndirýshileri anyqtaldy
15:03, 04 Shilde 2017
KÓKShETAÝ. QazAqparat - Kókshetaýda «Qazaqstannyń úzdik taýary» baıqaýynyń oblystyq kezeńiniń jeńimpazdary anyqtaldy. Olardy Aqmola oblysy ákiminiń orynbasary Ashat Qaınarbekov marapattady, dep habarlaıdy "QazAqparat" HAA tilshisi.
Baıqaýǵa oblystyń ár óńirinen jınalǵan barlyǵy 30 kásiporyn men jeke kásipkerler qatysty. Úzdikter «Óndiristik maqsattaǵy úzdik taýarlar», «Halyqqa arnalǵan úzdik taýarlar» jáne «Eń úzdik azyq-túlik taýarlary» atalymdary boıynsha anyqtaldy.
«Óndiristik maqsattaǵy úzdik taýarlar» atalymy boıynsha - Býrabaı aýdanyndaǵy «Şýchınsk qazandyq-mehanıkalyq zaýyty» JShS, «Halyqqa arnalǵan úzdik taýarlar» atalymy boıynsha - Tselınograd aýdanyndaǵy aıaq kıim tigetin fabrıka "SAMHAT" JShS jəne «Eń úzdik azyq-túlik taýarlary» atalymy boıynsha Jaqsy aýdanyndaǵy «Agrofırma TNK» JShS jeńimpaz atandy.