Aqmola oblysynyń turǵynynan 23 myńnan astam dári-dármek tárkilendi
QR Іshki ister mınıstrliginiń baspasóz ókili Shuǵyla Turlybek arnaıy brıfıngte osyndaı málimet aıtty.
Іshki ister organdary esirtki quraldarynyń, psıhotroptyq zattar men prekýrsorlardyń zańdy aınalymyndaǵy buzýshylyqtardy anyqtaý boıynsha «Dármek» respýblıkalyq jedel-aldyn alý is-sharasyn ótkizdi.
«Operatsııa barysynda 320 sharýashylyq júrgizýshi sýbekt, onyń ishinde 38 ónerkásiptik kásiporyn, 68 medıtsınalyq uıym jáne 201 dárihana tekserildi.
Esirtki quraldarynyń, psıhotroptyq zattarmen jumys isteý tártibin buzý arqyly zańdy aınalym jáne ýly zattardyń zańsyz aınalymy salasynda 25 qylmys tirkeldi», - dedi ІІM ókili
Onyń deregi boıynsha, reıd kezinde 830 tonnadan astam esirtki óndirisinde paıdalanylýy yqtımal zat pen 3 keli synap tárkilengen.
«Mysaly, Atyraý oblysynyń bir ónerkásiptik uıymynda 338 tonnadan astam kúkirt qyshqyly lıtsenzııalaý normalaryn buza otyryp saqtalǵan. Kináli tulǵalar ákimshilik jaýapkershilikke tartyldy.
Dárihanalardaǵy quqyq buzýshylyqtardyń aldyn alý maqsatynda polıtsııa esirtkiniń zańdy aınalymy salasynda 175 ákimshilik buzýshylyqty anyqtady. Onyń ishinde farmatsevtıkalyq qyzmet erejelerin buzýdyń 101 oqıǵasy, esirtki jáne prekýrsorlar aınalymy bar obektilerdi tehnıkalyq nyǵaıtý normalaryn buzýdyń 40 faktisi, zańsyz farmatsevtıkalyq qyzmettiń 16 faktisi, lıtsenzııalaý normalaryn buzýdyń 18 oqıǵasy tirkeldi», - deıdi Shuǵyla Turlybek.
Sondaı-aq, ol esirtkige qarsy polıtsııa Aqmola oblysynyń Makınka qalasy Bulandy aýdanynda jergilikti turǵynnan retseptpen bosatylýǵa tıis 23 astam myńnan dári-dármek tárkilegenin aıtty.
«Qazir QR Parlamenti Senatynda prekýrsorlar men kúshti áser etetin zattar aınalymy úshin jaýapkershilikti kúsheıtýdi kózdeıtin birqatar zańnamalyq aktilerge túzetý engizetin zań jobasy talqylanyp jatyr. Osyǵan baılanysty «Dármek» jedel aldyn alý is-sharasy toqsan saıynǵy negizde ótkiziledi», - dedi ІІM aqparattandyrý jáne baılanys departamentiniń bas mamany.