Aqmola oblysynyń trassalarynda 1 myńnan asa kólik qamalyp qaldy

KÓKShETAÝ. QazAqparat – Aqmola oblysynda aýa raıynyń qolaısyzdyǵyna baılanysty trassada 1000-nan astam kólik qamalyp qaldy, dep habarlaıdy QazAqparat.

Aqmola oblystyq PD baspasóz qyzmetiniń málimetinshe, aýa raıyna baılanysty jol-kólik oqıǵalaryn boldyrmaý maqsatynda 28 aqpanda Aqmola oblysynda 12 avtojoldy jabý týraly sheshim qabyldandy. «Polıtsııa jasaqtary men basqa da quzyretti organdar kúsheıtilgen rejımde jumys istedi. Blok-postar qoıyldy. Jaqyn mańdaǵy eldi mekenderde jylytý pýnktteri belgilendi, qosymsha ekıpajdar engizildi. Joldyń jabylýy men qarly boran týraly aldyn ala eskertýge qaramastan kóptegen kólik jolda qaldy.

polıtsııa qyzmetkerleri 6 kolonaǵa tizbektelgen 1000-nan astam kólikti Qostanaı jáne Qaraǵandy oblystarynyń, Astana qalasynyń shekaralaryna alyp júrdi», - dedi vedomstvodan.

Qazirgi kezde, aýa raıyna baılanysty «Astana – Pavlodar» jáne «Astana – Şýche» trassalary jabyq tur.