Aqmola oblysynyń shalǵaı aýdanynda «Nurly jer» baǵdarlamasy sátti júzege asyrylýda

KÓKShETAÝ. QazAqparat - Jarqaıyń aýdanynda «Nurly jer» baǵdarlamasy aıasynda páter kezeginde turǵandar memlekettik turǵyn úı qorynan baspanaly bolýda, dep habarlaıdy QazAqparat tilshisi.

Aýdan ákimdiginiń málimetinshe, ótken jyldyń sońynda aýdan ortalyǵy Derjavınsk qalasyndaǵy «Molodejnyı» shaǵynaýdanynda «Nurly jer» baǵdarlamasy aıasynda 60 páterli turǵyn úı qaıta jańǵyrtyldy. Kúrdeli jóndeý jumystar barysynda úıdiń shatyry jańartylyp, plastıkalyq terezeler ornatyldy, qasbeti jylý ótkizbeıtin materıal jáne metallosaıdıngpen qaptaldy, baspaldaq qorshaýlary jáne alańdarynda taıanyshtar ornatyldy.

«Baǵdarlamanyń arqasynda 3 kóp balaly otbasy, 17 jetim jáne ata – anasynyń qamqorlyǵynsyz qalǵan bala jáne 40 halyqtyń áleýmettik osal toptaryna jatatyn adam páter aldy. Qazirgi tańda Jarqaıyń aýdanynda memlekettik qordan turǵyn úı alý kezeginde 370 adam tur», – deıdi aýdan ákimdigindegiler.

Aıta ketsek, sońǵy 13 jylda aýdan ortalyǵynda 10 kóppáterli úı qalpyna keltirilip, 396 páter kilti tapsyryldy. Onyń ishinde 19 - qyzmettik, qalǵany halyqtyń osal toptaryna, sondaı -aq, memlekettik qyzmetkerler men medıtsına qyzmetkerlerine berildi.