Aqmola oblysynyń metsenattary «Jomart júrek» syılyǵymen marapattaldy

KÓKShETAÝ. QazAqparat – Táýelsizdik merekesi qarsańynda Aqmola oblysynda qaıyrymdylyq jáne áleýmettik mańyzy bar jobalardy júzege asyrýda jáne óńirdiń áleýmettik-ekonomıkalyq damýyna úles qosqan belsendi azamattar marapattaldy, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Vedomstvodan atap ótkendeı, 2018 jyldan bastap jyl saıyn elimizde «Rýhanı jańǵyrý» baǵdarlamasy aıasynda qaıyrymdylyq jumystardy nasıhattaýǵa, azamattyq jaýapkershilik pen halyqtyń áleýmettik belsendiligin arttyrýǵa baǵyttalǵan «Jomart júrek» jobasy júzege asyrylyp keledi.

«Elimiz úshin aıtýly oqıǵa – Táýelsizdiktiń 30 jyldyǵy qarsańynda biz óz Otanymyzdyń naǵyz patrıottaryn qurmetteıtinimiz qýantady. Óńir men eldiń damýyna qosqan úlesterińiz baǵa jetpes. Barlyq oblys turǵyndary atynan Sizderdiń eńbekterińiz, nazarlaryńyz, qamqorlyqtaryńyz jáne meıirimdilikterińiz úshin alǵys aıtamyn», - dep atap ótti aımaq basshysy saltanatty sharada.

Marapattalǵandardyń arasynda sút ónimderin óndirý boıynsha oblystyń jetekshi kásiporyndarynyń biriniń basshysy Ersaıyn Jaqsylyqov «Jyldyń úzdik qamqorshysy» atalymynda respýblıka boıynsha úzdik atandy. Ol sport jáne ardagerler uıymdaryna demeýshilik kómek kórsetip keledi. Metsenat turaqty negizde eńbek ujymdaryna, halyqtyń áleýmettik osal toptaryna qoldaý kórsetedi.

«Jyl metsenaty» atalymynda Arshaly aýdanyndaǵy Agrofırma dırektory Aleksandr Gýsev ıe boldy. Metsenat birneshe jyl boıy áleýmettik nysandardy jóndeýge, medıtsınalyq jabdyqtar satyp alýǵa kómek kórsetip keledi, muqtaj azamattarǵa kómek kórsetip keledi. Tek osy jyly ǵana olarǵa on mıllıon teńgeden astam somaǵa kómek kórsetildi.

«Jyl tulǵasy» atalymynda «Ana úıi» qoǵamdyq qorynyń úılestirýshisi, kópbalaly ana Quralaı Jumabekova ıelendi. Ol turaqty negizde qıyn ómirlik jaǵdaıǵa tap bolǵan áıelderge jáne olardyń balalaryna áleýmettik kómek kórsetedi.

Іs-shara aıasynda shyǵarmashylyq jáne ǵylymı tulǵalar arasynda «Qulager» baıqaýynyń «Úzdik proza», «Úzdik poetıkalyq shyǵarma», «Úzdik pýblıtsıstıkalyq jumys», «Kishi sáýlet nysanynyń úzdik eskızi», «Úzdik ǵylymı-zertteý jumysy» jáne «Úzdik telesıýjet» atalymdary boıynsha jeńimpazdar anyqtaldy.

Budan bólek, birqatar aqmolalyqtar «Halyq alǵysy» medalimen, «Qazaqstan Respýblıkasynyń Táýelsizdigine 30 jyl» mereıtoılyq medalimen, «Qazaqstan máslıhattarynyń Qurmetti depýtattary» tósbelgisimen jáne basqa da qurmetti nagradalarmen marapattaldy.