Aqmola oblysynyń kásiporny undy birneshe elge eksporttap otyr
Kásiporyn basshysy Ǵabıden Bralınniń aıtýynsha, óndiris ornynda táýligine 520 tonna bıdaı úgetin 4 dıirmen jumys isteıdi. Sonymen qatar, agrofırmanyń menshiginde malǵa qajetti quramajem shyǵaratyn zaýyt ta bar. Ótken jyly jyldyq qýaty 12000 tonna túrli jarmalar men jyldam daıyndalatyn suly qaýyzdaryn shyǵaratyn kásiporyn iske qosyldy. Qazirgi zamańǵy tehnologııamen jabdyqtalǵan kásiporyn ónimderine suranys joǵary.
«Bizdiń kásiporynda shyǵarylatyn joǵary sapaly un Qazaqstannan bólek, Reseı, Aýǵanstan, Orta Azııa elderi jáne Qytaıda úlken suranysqa ıe. Kásiporynda jarmalar men jyldam daıyndalatyn suly qaýyzdardyń onnan astam túri shyǵarylady. Shıkizattyń barlyǵy ózimizdiki. Sondyqtan, sapaǵa erekshe kóńil bólinedi», - deıdi Ǵabıden Bralın.
Aıta keteıik, búgingi tańda Qazaqstanda óndiriletin unnyń on paıyzǵa jýyǵy Jaqsy elevatorynyń úlesinde. Jalpy, Aqmola oblysynda agronerkásip keshenin damytý sheńberinde eńbek ónimdiligin jáne qaıta óńdelgen ónimderdiń eksporttyq áleýettin arttyrý mindetti tur. 2019 jyly 4600 agrofırma 42,1 mılllıard teńge kóleminde memlekettik qoldaýǵa ıe boldy. Osynyń arqasynda jyl qorytyndysy boıynsha aýyl sharýashylyǵy salasynda ishki ónim kólemi 515,8 mıllıard teńgege jetti.