Aqmola oblysynyń EAEO elderimen saýda aınalymy ósti
Oblystyq statıstıka departamenti baspasóz qyzmetiniń málimetine qaraǵanda, Aqmola óńiriniń EAEO elderimen ózara saýda aınalymy jyldan jylǵa artyp keledi.
«2017 jyldyń qańtar-maýsymynda Aqmola oblysynyń EAEO elderimen ózara saýda aınalymy 171,6 mıllıon AQSh dollaryn qurady. Onyń ishinde eksport úlesi 44,2 mıllıon AQSh dollary nemese 25,8 paıyz, ımport úlesi 127,4 mıllıon AQSh dollary nemese 74,2 paıyz boldy. Sonymen qatar, 2017 jyldyń qańtar-maýsymynda Reseı Federatsııasyna eksport 37,7 mıllıon, ımport - 116,9 mıllıon AQSh dollaryn qurady. Al, osy merzimde Belarýs Respýblıkasyna eksport 0,1 mıllıon, ımport - 5,2 mıllıon AQSh dollary boldy. Sondaı-aq, osy aralyqta kórshi Qyrǵyzstan Respýblıkasymen jasalǵan saýda aınalymy, onyń ishinde eksport 6,4 mıllıon, ımport - 5,3 mıllıon AQSh dollaryna sáıkes boldy», - dep jazylǵan habarlamada.