Aqmola oblysynyń burynǵy ákimi Óńirlik damý vıtse-mınıstri laýazymyna taǵaıyndaldy

ASTANA. QazAqparat - QR Úkimetiniń Qaýlysymen Qosman Qaıyrtaıuly Aıtmuhametov Óńirlik damý vıtse-mınıstri laýazymyna taǵaıyndaldy. Bunyń aldynda Qosman Aıtmuhametov Aqmola oblysynyń ákimi qyzmetin atqarǵan bolatyn, dep habarlaıdy mınıstrliktiń baspasóz qyzmeti.

Qosman Qaıyrtaıuly Aıtmuhametov 1963 jyly 29 tamyzda Tselınograd oblysynda dúnıege kelgen. 1986 jyly Aqmola ınjenerlik-qurylys ınstıtýtyn «Injener» mamandyǵy boıynsha támamdaǵan. 2006 jyly Qazaq Gýmanıtarlyq-Zań ýnıversıtetin «Zańger» mamandyǵy boıynsha bilim alyp shyqty. Eńbek jolyn 1983 jyly Aqmola oblysynda «Izobılnyı» keńsharynda bastaǵan ol ár jyldary Bestóbe kenishinde, Astana qalasy baılanys kólik bazasynyń dırektory, «Qalalyq kommýnaldyq sharýashylyq» MKK basshysynyń orynbasary jáne dırektory, «Kredıt Qurylys NS» JShS dırektorynyń orynbasary qyzmetterinde jumys atqardy.

2009-2013 jyldar aralyǵynda Aqmola oblysy ákiminiń orynbasary boldy. Al 2013-2014 jyldary Aqmola oblysynyń ákimi qyzmetin atqardy.