Aqmola oblysynyń Birjan sal aýdanyndaǵy qurǵaq shóp órti sóndirildi

KÓKShETAÝ. QazAqparat – Aqmola oblysynyń Birjan sal aýdanyndaǵy qurǵaq shóp órti sóndirildi, dep habarlaıdy QazAqparat Tótenshe jaǵdaılar mınıstrligine silteme jasap.

Búgin saǵat 8:50-de Birjan sal aýdanynyń Qaınar aýylynan 15 km jerde janǵan qurǵaq shóp órti sóndirildi. Órttiń aldyn ala aýdany – 1 100 gektar.

Jel ekpininiń kúsheıýi jáne aýa temperatýrasynyń joǵarylaýy órtti sóndirýdi qıyndatty.

Qurǵaq shóp órtin sóndirýge Aqmola oblysy TJD men jergilikti atqarýshy organdardan 75 adam jáne 15 tehnıka jumyldyryldy.

Aqmola oblysynyń TJD órt qaýipsizdigi erejelerin saqtaýǵa shaqyrady.

Buǵan deıin Aqmola oblysyndaǵy qurǵaq shóp órtin sóndirý qıynǵa soǵyp jatqany habarlanǵan bolatyn.