Aqmola oblysynyń basqarma basshysy 10 jylǵa sottaldy

NUR-SULTAN. QazAqparat - Aqmola oblysy Aýyl sharýashylyǵy basqarmasynyń basshysy para alǵany úshin sottaldy. Bul týraly QazAqparat Sybaılas jemqorlyq agenttigine silteme jasap habarlaıly.

«Aqmola oblysynyń qylmystyq ister jónindegi mamandandyrylǵan aýdanaralyq sotynyń úkimimen Aýyl sharýashylyǵy basqarmasynyń basshysy Dımash Talasbaev memlekettik qyzmette jáne kvazımemlekettik sektorda qyzmet atqarýǵa ómir boıyna tyıym salýmen eń joǵary qaýipsizdik mekemesinde 10 jylǵa bas bostandyǵynan aıyryldy. Ol 2020 jyly seriktestikterin kóktemgi-kúzgi dala jumystaryn júrgizý úshin oblystyń aýyl sharýashylyǵy taýar óndirýshileri úshin kepildik berilgen arzandatylǵan dızel otynyn jetkizý jónindegi operator retinde aıqyndaýǵa járdem kórsetkeni jáne jalpy qamqorlyǵy úshin kommertsııalyq uıym ókilderinen kelisilgen 30 000 000 teńgeden 13 847 430 teńge somasynda asa iri mólsherde para alǵany úshin kináli dep tanyldy», - delingen habarlamada.

Úkim zańdy kúshine engen joq.