Aqmola oblysynyń Atbasar aýdanynda 8 ınvestjoba júzege asyrylady

KÓKShETAÝ. QazAqparat - Bıyl Aqmola oblysynyń Atbasar aýdanynda 8 ınvestıtsııalyq joba júzege asyrylady. Bul týraly Óńirlik kommýnıkatsııalar qyzmetinde ótken brıfıngte aýdan ákimi Amanbek Qaljanov aıtty, dep habarlaıdy QazAqparat tilshisi.

Aýdan ákiminiń málimetinshe, bul jobalardyń jalpy quny 1,345 mıllıon teńgeni quraıdy. Qus fabrıkasy, sút-taýar fermasy, bordaqylaý alańy, dúkender, dámhanalar, sýpermarketter, avtojýý jáne kondıterlik tsehtardy iske qosý arqyly 140-qa jýyq jumys orny ashylatyn bolady.

«Aýdan boıynsha «Árip Agro» JShS 400 bas iri qaraǵa arnalǵan bordaqylaý alańyn iske qosýdy, «InterTraıd» JShS 50 myń taýyqqa arnalǵan qus fabrıkasyn, «Shýıskoe HHІ» JShS sút-taýar fermasyn salýdy josparlap otyr», - dedi Atbasar aýdanynyń ákimi Amanbek Qaljanov.

Sondaı-aq, Aqmola oblysynyń 2020-2025 jyldarǵa arnalǵan kásipkerlikti qoldaý kartasyna 59 jańa jumys ornyn qurýmen jalpy somasy 2 mıllıard teńgege eki ınvestıtsııalyq joba engizildi. Olardyń arasynda suly qaýyzyn iske qosý jónindegi tamaq fabrıkasynyń («Baha Sone» JShS) jáne et ónimderin tereń óńdeý tsehynyń («Altyndán» JShS) qurylysy bar.

Aıta keteıik, aǵymdaǵy jyly Atbasar aýdanynda bólshek taýar aınalymynyń kólemi shamamen 2,6 mıllıard teńgeni qurady. Bul ótken jyldyń sáıkes kezeńmen salystyrǵa 5 paıyzǵa joǵary. Aýdanda jumys istep turǵan 2304 shaǵyn jáne orta bıznes sýbektisi tirkelgen.