Aqmola oblysynyń ákimi Ermek Marjyqpaev óz tańdaýyn jasady

KÓKShETAÝ. QazAqparat - Aqmola oblysynyń ákimi Ermek Marjyqpaev Kókshetaýdaǵy №1 orta mektepte ornalasqan №8 saılaý ýchaskesinde daýys berdi, dep habarlaıdy QazAqparat.

«Saılaýǵa qatysyp, daýys berý - ár qazaqstandyqtyń, onyń ishinde Aqmola oblysy turǵyndarynyń azamattyq paryzy», - dedi E.Marjyqpaev.

Aıta ketý kerek, atalmysh saılaý ýchaskesinde barlyǵy 1 589 saılaýshy tirkelgen. Onyń ishinde 4 adam úıde daýys beretindigi jóninde ótinish jazǵan.

Eske sala ketsek, búgin Qazaqstan Prezıdentin kezekten tys saılaý bastaldy. QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady.

QR Ortalyq saılaý komıssııasynyń málimetinshe, saǵat 08:00-de elimizdiń barlyq aımaqtarynda 9 920 saılaý ýchaskesinde azamattar daýys berýge kiristi. Onyń ishinde 15 memlekettegi 17 saılaý ýchaskesi de bar.