Aqmola oblysynyń ákimi Astananyń qurdastarymen kezdesti

KÓKShETAÝ. QazAqparat - Aqmola oblysynyń ákimi Málik Myrzalın Astana kúni qarsańynda elordanyń qurdastarymen jáne bas qalanyń qurylysyna, ásem sáýletiniń boı kóterýine, onyń damýyna úles qosqan azamattarmen kezdesti, dep habarlaıdy «QazAqparat» HAA tilshisi.

Jyly júzdesýde aımaq basshysy jastardy aıtýly merekemen quttyqtady.

"Qazir bas qalada ótip jatqan EKSPO-2017 halyqaralyq mamandandyrylǵan kórmesi de álem halqyn tańdaı qaqtyrýda. Bul jetistikterge bizdiń óńir azamattarynyń qosqan úlesi zor ekendigin umytpaýymyz kerek", -dep atap ótken óńir basshysy, bas qalanyń oblys úshin mańyzdylyǵy men bedeline toqtaldy. Záýlim ǵımarattarmen kózdiń jaýyn alatyn Astananyń sáýletine bizdiń oblys qurylysshylarynyń da eńbegi orasan ekendigin erekshe atap ótti.

"Astanaǵa 2008 jyly jumys babymen kelgende Esildiń sol jaq jaǵalaýynda «Báıterek» pen «Aqordadan» basqa eshteńe bolmaǵan-dy. Ony osynshalyq tez arada kórkeıip ketedi dep oılamaǵan edik. Qazir araǵa eki-úsh apta salyp barsań, jańa bir ǵımarattyń boı kóterip jatqanyn kóresiń. Sapar saıyn tańǵalasyń. Osynyń barlyǵy da Elbasy Nursultan Nazarbaevtyń baqylaýymen júzege asyp jatqan jetistikter", - dedi aımaq basshysy.

Budan ári Astana qalasynyń qurylysyna óz úlesterin qosqan Arǵyn Aýzarov, Jumabaı Ámirjanov sekildi azamattar sóz sóılep, bas qalanyń olardyń ómirinde alǵan orny, óz salalary boıynsha onyń damýyna qosqan úlesteri jaıynda aıtyp berdi.