Aqmola oblysynyń 400-den astam pedagogy tamyz keńesine qatysty

KÓKShETAÝ. QazAqparat - Osy jyly bilim berý qyzmetkerleri úshin «Ádiletti Qazaqstan: adal urpaq, sapaly bilim, tabysty ult» uranymen alǵash ret respýblıkalyq tamyz keńesi jańa formatta ótti, dep habarlaıdy QazAqparat Aqmola oblysy ákimdiginiń baspasóz qyzmetine silteme jasap.

Plenarlyq otyrysty onlaın rejımde QR Premer-Mınıstriniń orynbasary Tamara Dúısenovanyń qatysýymen QR Oqý-aǵartý mınıstri Ǵanı Beısembaev ashty. Sessııa jumysyna elimizdiń bilim berý júıesiniń 12 myńnan astam qyzmetkeri qatysty.

Óńirlerde tamyz keńesiniń jumysy taqyryptyq baǵyttar boıynsha júrgizildi. Aqmola oblysynda - jazǵy demalysty damytýǵa arnaldy.

Kókshetaý qalasynda aýdandyq psıhologııalyq-pedagogıkalyq túzetý kabınetterine kólikterdi saltanatty túrde tabystaýdan jáne jazǵy demalys pen balalardy saýyqtyrý taqyryby boıynsha kórmemen tanysýdan bastaldy.

«Bolashaq saraıy» ǵımaratynda delegatsııa men shaqyrylǵan qonaqtar úshin «Jarqyn jaz: baqytty balalyq shaqtyń bastaýy» konferentsııasy ótti, moderator retinde Aqmola oblysynyń ákimi Ermek Marjyqpaev sóz sóıledi.

Kirispe sózinde óńir basshysy pedagogtardy jańa oqý jylynyń bastalýymen quttyqtap, oblystyń pedagogıkalyq qoǵamdastyǵynyń dástúrli forýmy jańa jetistikterge bastama bolatynyn jáne bilim berý júıesiniń ártúrli deńgeıleriniń ókilderine máselelerdi sheshýge baǵyttalǵan qyzyqty jáne mańyzdy dıalog uıymdastyrýǵa múmkindik beretinin atap ótti.

QR Oqý-aǵartý mınıstrligi orta bilim komıteti tóraǵasynyń orynbasary Dýlat Jekebaev baıandamasynda balalardyń jazǵy demalysyn uıymdastyrý boıynsha quqyqtyq bazaǵa ózgerister engiziletinin jetkizdi.

Konferentsııanyń plenarlyq bóliminde Densaýlyq saqtaý, Tótenshe jaǵdaılar mınıstrlikteriniń, «Qazaqstan halqyna» QQ, ıÝNESKO bıýrosynyń, «Baldáýren» respýblıkalyq oqý-saýyqtyrý ortalyǵy«RMQK, Almaty oblysynyń»Arman-Dala«balalar ortalyǵynyń jáne NZM ókilderi sóz sóıledi.

Sonymen qatar, Sh. Ýálıhanov atyndaǵy Kókshetaý ýnıversıtetinde jazǵy demalys jáne saýyqtyrý jónindegi respýblıkalyq baǵdarlama boıynsha úsh sektsııa jumys istedi, onda pedagog-praktıkter, sarapshylar, Qazaqstannyń bilim jáne psıhologııa salasyndaǵy mamandary kásibı kadrlardy daıarlaýdy, saýyqtyrý ortalyqtarynyń rólin jáne balalardy jazǵy kezeńde jumyspen qamtý ıdeıalaryn talqylady.