Aqmola oblysynyń 3 aýdanynda jańa páterler paıdalanýǵa berildi

KÓKShETAÝ. QazAqparat - Təýelsizdik merekesi qarsańynda Aqmola oblysynyń 3 aýdanynda jańa páterdiń kiltteri tabys etildi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Bul joly Jaqsy aýdanynyń ortalyǵynda 18 pəterdiń kilti tapsyryldy. «Nurly jer» baǵdarlamasy boıynsha salynǵan jańa úıden 1-2 toptaǵy múgedekter, tolyq emes otbasylar, áleýmettik jaǵdaıy tómen, zeınetkerler men jetimder baspanaly boldy.
Qýanyshty sharaǵa aýdan əkimi Qanat Súıindikov qatysyp, jańa pəter ıelerin Qazaqstan Respýblıkasynyń Táýelsizdigi jəne baspana qýanyshtarymen quttyqtady.

Osyndaı merekelik tartý Sandyqtaý jəne Arshaly aýdandarynda da oryn aldy. Sandyqtaý aýdanyndaǵy «Svobodnoe» JShS seriktestiginiń dırektory Aleksandr Zakýsılov jumysshylaryna 10 páterdiń kiltin tapsyryp, qýanysh syılady.
Seriktestik bıznestiń əleýmettik jaýapkershiligi sheńberinde eki pəterli bes úı turǵyzǵan.
Al, Arshaly selosynda aýdan ákimi Azamat Taıjanovtyń qatysýymen «Nurly jer» baǵdarlamasy boıynsha salynǵan jańa 45 pəterli turǵyn úı paıdalanýǵa berildi. Munda jańa pəter kiltine úı kezeginde turǵan azamattar ıe boldy.