Aqmola oblysyndaǵy jol apaty: birneshe kólik soqtyǵysty

KÓKShETAÝ. QazAqparat - Búgin saǵat 15-20-da Aqmola oblysynyń Shortandy aýdanynda Bozaıǵyr aýylynyń mańynda «Nur-Sultan-Petropavl» avtojolynda jappaı jol-kólik oqıǵasy oryn aldy, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, zardap shekkenderge kómek kórsetý úshin oqıǵa ornyna Aqmola oblysy men Nur-Sultan qalasynyń qutqarýshylary dereý shyqty.

«Oqıǵa ornynda Aqmola oblysy TJD jeke quramynan 16 qyzmetkeri men 4 tehnıkasy, men Nur-Sultan qalasy TJD 9 qyzmetkeri men 3 tehnıkasy zardap shekkenderdi qutqarý jáne adamdardy evakýatsııalaý boıynsha kómek kórsetýde. Sondaı-aq, oqıǵa ornynda QR TJM Apattar medıtsınasy ortalyǵynyń dárigerleri, óńir polıtseıleri jáne jedel járdem jumys isteýde», - dedi vedomstvodan.

Anyqtalǵandaı, 7 jeńil jáne bir júk kóligi soqtyǵysqan.

«Qutqarýshylar zardap shekkenderge alǵashqy medıtsınalyq kómek kórsetip, jedel járdem brıgadasyna tapsyrdy. Sonymen qatar, jappaı jol apatyna baılanysty oqıǵa aımaǵynda 100-ge jýyq avtokóliktiń keptelisi oryn aldy», - dep tolyqtyrdy vedomstvodan.

Aıta ketsek, óńirdiń polıtseıleri men qutqarýshylary boran men kóriný shekteýligine baılanysty saǵat 15:00 bastap atalǵan jol ýchaskesinde kólik qozǵalysyna tyıym saldy.

Osy rette, óńirlik Tótenshe jaǵdaılar departamentiniń qyzmetkerleri aqmolalyqtarǵa joldardyń jabylýy týraly sms habarlama alǵan kezde jolǵa shyqpaýǵa keńes beredi.