Aqmola oblysyndaǵy úsh aýyldyń ataýy qazaqsha bolady

ASTANA. QazAqparat – Aqmola oblysynyń Birlik aýyldyq okrýgine qarasty úsh eldi mekenniń ataýy ózgerýi múmkin.

Bul týraly «Ashyq» NQA portalynda jarııalanǵan óńir ákimdigi men maslıhattyń birlesken sheshiminde jazylǵan, dep habarlaıdy QazAqparat tilshisi.

«Aqmola oblysynyń ákimdigi men oblystyq máslıhat Birlik aýyldyq okrýgine qarasty Krasnaıa Polıana aýylyn – Birlik, Arbýzınka aýylyn - Aqkent, Petrıkovka aýylyn Tumar aýyly dep ataý týraly sheshim shyǵardy», - delingen talqylaýǵa shyǵarylǵa qujatta.

Qosa ketsek, byltyr Aqmola oblysyna qarasty Arshaly aýdanyndaǵy 2 aýyl men 1 aýyldyq okrýgtiń jáne Býrabaı aýdanyna enetin Krasnyı kordon aýylynyń ataýy ózgergen edi. Jalpy, ótken jyly bul óńirde 11 eldi meken men 90 kóshege qazaqsha ataý berildi.