Aqmola oblysyndaǵy sý qoımasynda joǵalyp ketken 2 balyqshy tabylmaı jatyr

KÓKShETAÝ. QazAqparat – Arshaly aýdanyndaǵy Vıacheslav sý qoımasynda joǵalyp ketken balyqshylar eki táýlikten beri tabylmaı jatyr, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, balyqshylardyń joǵalǵandyǵy týraly 10 qazanda saǵat 7:00 Arshaly aýdandyq polıtsııa bólimine Temirtaý qalasynyń turǵyny habarlap aıtqan.

Er adamnyń sózinshe, olar 9 qazanda Vıacheslav sý qoımasyna balyq aýlaýǵa barǵan. Kúni boıy olar birge bolǵan, al keshkisin ol kóligine uıyqtaýǵa ketip, dostary jaǵada qalǵan. Kelesi kúni tańǵy saǵat 07:00 shamasynda dostarynyń joqtyǵyn baıqaǵan er adam polıtsııa men qutqarýshylardy shaqyrdy.

«Іzdestirý jumystaryna polıtsııa men qutqarýshylar, sondaı-aq, balyqshylardyń tanystary tartyldy. Sol kúni sý qoımasynyń jaǵasyndaǵy qamystyń arasynan motorly qaıyq tabyldy. Al, balyqshylar tabylǵan joq. Іzdestirý jumystaryna súńigýrlerdi tartý da qarastyrylǵan», - dedi vedomstvodan.

Eske salsaq, Pavlodar oblysynda bes kún buryn joǵalǵan balyqshylardyń denesi kólden tabylǵan edi.