Aqmola oblysyndaǵy Stepnogor JEO-sy qysqy maýsymǵa ázirlenýde

KÓKShETAÝ. QazAqparat - Atomdyq jáne energetıkalyq qadaǵalaý men baqylaý komıteti Aqmola oblysy boıynsha aýmaqtyq departamentiniń ókilderi energetıkalyq kásiporyndardyń aldaǵy kúzgi-qysqy kezeńge daıyndyǵyn baqylaý aıasynda «Stepnogor JEO» JShS-na bardy, dep habarlaıdy QazAqparat.

2023 jylǵa arnalǵan jabdyqty jóndeýdiń bekitilgen kestesine sáıkes elektr stantsııasyn aldaǵy jylytý kezeńine daıyndaý úshin №6, 7 qazandyq agregattarynda kúrdeli jóndeý, №3 qazandyq agregatyn keńeıtilgen aǵymdaǵy jóndeý josparlanǵan. Qalǵan negizgi jáne qosalqy jabdyqtar boıynsha aǵymdaǵy jóndeý jumystary jasalady.

Qazirgi ýaqytta JEO-da №3, 7 qazandyq agregattary boıynsha jáne №3 kúl qubyryn jóndeý boıynsha jumystar júrgizilýde.

«Jóndeý jumystary MSÝ-104, «RemEnergoMash» JShS, «Qazbıld tsentr» JShS jáne «Áıtilek Shatary» JShS merdiger uıymdarynyń qatysýymen qolǵa alyndy, eki aýysymda eńbek etetin 111 adam jumyldyrylǵan», dep jazdy vedomstvodan.

№7 qazandyq agregatyn ashý kezinde qosymsha aqaýlar anyqtalýyna jáne jóndeý jumystarynyń kóleminiń ulǵaıýyna baılanysty osy qazandyq agregaty boıynsha kúrdeli jóndeýdi oryndaý merzimderi uzartyldy.