Aqmola oblysyndaǵy seriktestik qyzmetkerine 34 mln teńgeni ysyrap etti degen aıyp taǵyldy

KÓKShETAÝ. QazAqparat - Jaýapkershiligi shekteýli seriktestiktiń qyzmetkerine 34 mln teńgeni ysyrap etti degen kúdik keltirilip otyr, dep habarlaıdy QazAqparat Polisia.kz saıtyna silteme jasap.

9 maýsym kúni Arshaly aýdandyq polıtsııa bólimine jergilikti seriktestikterdiń biriniń basshysynan qarjynyń zańsyz shyǵyndalǵany týraly habar tústi.

Kásipkerdiń habarlaýynsha, 2022 jyldyń 1-qarashasynan bastap, búgini kúnge deıin qarjyǵa jaýapty qyzmetkerlerdiń biri 34 mln teńgeni jaratyp jibergen.

Atalǵan fakti boıynsha QR QK 189 babynyń 4 bóligi boıynsha «Senip tapsyrylǵan múlikti urlaý nemese ysyrap etý» sotqa deıingi tergeý bastaldy.

Tergeý barysynda kúdiktiniń shetelden asyl tuqymdy mal satyp alý úshin bólingen aqshanyń tek jartysyn ǵana tólegeni anyqtaldy. Qalǵan aqshany óz qajetine jaratyp jibergen. Qazirgi tańda onyń osy iske qatystylyǵy naqtylanyp jatyr jáne ózge de tergeý sharalary júrgizilýde.