Aqmola oblysyndaǵy orta mektepte robot tehnıkasy kabıneti ashyldy

KÓKShETAÝ. QazAqparat - El Təýelsizdiginiń 25 jyldyǵyna oraı Eýrazııa ulttyq ýnıversıteti Zerendi aýdanynyń M.Ǵabdýllın atyndaǵy orta mektepke qazirgi zamanǵa saı jabdyqtalǵan robot tehnıkasy kabınetin syıǵa tartty, dep habarlaıdy «QazAqparat» HAA-niń tilshisi.

Zamanaýı kuraldarmen jabdyqtalǵan kabınette oqýshylar tehnıkalyq ǵylymdardyń qyr-syryn meńgerip, robot qurastyrýmen mashyqtanatyn bolady. Sharaǵa qatysqan aýdan əkimi Asqar Muratuly jergilikti mektep oqýshylary joǵary tehnologııalyq quraldardy meńgergetinin aıta kele, ıgi iske qol ushyn sozǵan Eýrazııa  ulttyq ýnıversıtetiniń ujymyna alǵysyn bildirdi. 

Atalǵan joǵary bilim ordasynyń fızıkalyq-tehnıkalyq fakýltetiniń dekany Əbdirəsh Aqylbekov ýnıversıtet tarapynan elimizdiń keleshegi jastardyń ósip-órkendeýine, bilim men ǵylymdy meńgerý arqyly tulǵa bolyp qalyptasýy úshin barlyq jaǵdaı jasalynyp jatqanyn atap ótti. Sondaı-aq, mektep ujymy jəne oqýshylaryn Təýelsizdik merekesimen quttyqtady.
Óz kezeginde atalǵan mektep ujymy qonaqtarǵa alǵys retinde oqýshylardyń oryndaýyndaǵy kontserttik baǵdarlama usyndy.