Aqmola oblysyndaǵy Qorǵaljyn qoryǵy aýmaǵynan órt shyqty

KÓKShETAÝ. QazAqparat - Aqmola oblysynda Qorǵaljyn qoryǵy aýmaǵynda qamys órtenip jatyr, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

Vedomstvonyń málimetinshe, órt Shalqar aýylynan 25 shaqyrym jerdegi Sarykól kóli aýmaǵyndaǵy aralda boldy. Órtti sóndirýge TJD jeke quramynan 8 adam, 2 tehnıka, 2 júzý quraly, sondaı-aq Qorǵaljyn qoryǵynyń 27 qyzmetkeri men 11 tehnıkasy tartyldy.

«Batpaq, ekpindi jel jáne tehnıka júretin joldyń joqtyǵy órtti sóndirýge biraz qıyndyqtar keltirýde. Osyǵan baılanysty Tselınograd aýdanynan qosymsha kúshter tartylmaqshy», - dedi TJD Órt sóndirý jáne avarııalyq-qutqarý jumystary qyzmeti bastyǵy Nurlan Kúlbaev.

Vedomstvonyń baspasóz qyzmetinen atap ótkendeı, qyzyl jalyn 125 gektar aýmaqty sharpyǵan. Órttiń shyǵý sebebi anyqtalyp jatyr. Eldi mekenderge qaýip joq.

Aıta ketsek, budan buryn Aqmola oblysynda 120-dan astam adam orman órtin sóndirgenin jazǵan edik.