Aqmola oblysyndaǵy Kırovskoe aýylyna qazaqsha ataý berilmek

ASTANA. QazAqparat – Aqmola oblysyndaǵy Kırovskoe aýylynyń ataýy ózgerýi múmkin, dep habarlaıdy QazAqparat tilshisi.

«Aqmola oblysy Jaqsy aýdany Qyzylsaı aýyldyq okrýgine qarasty Kırovskoe aýylynyń ataýy Qarajon aýyly bolyp ózgertilsin.

Aqmola oblysy ákimdiginiń qaýlysy men Aqmola oblystyq máslıhatynyń sheshimi onyń alǵashqy resmı jarııalanǵan kúninen keıin kúntizbelik 10 kún ótken soń qoldanysqa engiziledi», - delingen «Ashyq» NQA portalynda jarııalanǵan birlesken sheshim-jobasynda.

Qujat 22 mamyrǵa deıin kópshilik talqylaýda bolady.

Eske salaı keteıik, buǵan deıin Aqmola oblysy Bulandy aýdanyna qarasty eki aýyldyq okrýgke qazaqsha ataý berilgen edi. Atap aıtqanda, Ergolka aýyldyq okrýgi – Toqtamys, al Karamyshevka aýyldyq okrýgi Shubaraǵash bolyp ózgertildi.