Aqmola oblysyndaǵy birneshe aýyldyń ataýyn ózgertý usynyldy

KÓKShETAÝ. QazAqparat – Aqmola oblysyna qarasty Arshaly aýdanyndaǵy 2 aýyl men 1 aýyldyq okrýgtiń ataýy ózgerýi múmkin. Mundaı usynys ashyq talqyǵa shyǵarylǵan Aqmola oblysy ákimdigi men óńirlik máslıhattyń birlesken sheshiminde kórsetilgen, dep habarlaıdy QazAqparat tilshisi.

«Arshaly aýdanynyń Donetskoe aýyly – Anarkól, Volgodonov aýyly –Eltoq aýyly jáne Volgodonov aýyldyq okrýgi Eltoq aýyldyq okrýgi dep atalsyn», - delingen qujatta.

Usynysty ashyq talqylaý 4 qazanǵa deıin jalǵasady.

Eske sala keteıik, buǵan deıin Qaraǵandy oblysyndaǵy Osakarov aýdanynyń ataýy ózgertilgen edi. Endi bul aýdan Sarybel dep atalady.