Aqmola oblysyndaǵy basseınder men jattyǵý zaldary qalaı jumys isteıdi – qaýly

NUR-SULTAN. QazAqparat – Aqmola oblysynda karantındik shekteý sharalaryn qatańdatý týraly jańa qaýly jarııalandy, dep habarlaıdy QazAqparat.

Jańa qujatqa sáıkes, fıtnes ortalyqtary, ıoga ortalyqtary, jattyǵý zaldary men sport-saýyqtyrý ortalyqtaryna alyn ala jazylý boıynsha 50 paıyzdan artyq toltyrmaı, bir adamǵa 5 sharshy metrden kem emes oryndy qamtamasyz etip, apta kúnderi saǵat 20:00-ge deıin jumys isteýge ruqsat beriledi, senbi-jeksenbi jáne mereke kúnderi jabylady.

Al saýna qyzmeti bir kelýshige 4 sharshy metr oryn bólinip, 50 paıyzdan artyq toltyrmaı, jumys kúnderi saǵat 20:00-ge deıin ashyq bolady, senbi-jeksenbi jáne mereke kúnderi jabylady.

SPA ortalyqtary da bir kelýshige 4 sharshy metr oryn bólinip, áleýmettik qashyqtyq saqtalǵan jaǵdaıda saǵat 20:00-ge deıin jumys isteıdi jáne senbi-jeksenbi, mereke kúnderi jabyq bolady.

Basseınder jeke formatta bir adamǵa 5 sharshy metr sý aıdynyn qamtamasyz ete alsa, jumys kúnderi saǵat 20:00-ge deıin ashyq bolady, senbi-jeksenbi, mereke kúnderi jabyq bolady.

«Aqmola oblysy qalalary men aýdandaryndaǵy Bas memlekettik sanıtarlyq dárigerleri qalyptasqan epıdemıologııalyq ahýalǵa baılanysty karantın sharalaryn kúsheıtý týraly sheshim qabyldaýǵa quqyly. Menshik nysanyna qaramastan, barlyq jeke jáne zańdy tulǵalar Qaýlyny oryndaýǵa mindetti. Qaýly qol qoıylǵan kúninen bastap kúshine enedi», - dep jazylǵan qujatta.