Aqmola oblysyndaǵy aýylǵa syrttan adamdar kóship kelip jatyr

KÓKShETAÝ. QazAqparat - Jarqaıyń aýdanyndaǵy Tasótkel aýylyna bıyl bes otbasy kóship kelgen. Onyń arasynda Esil, Arqalyq jáne Óskemen qalalarynan qonys aýdarǵan otbasylar bar, dep habarlaıdy QazAqparat tilshisi oblystyq ishki saıasat basqarmasyna silteme jasap.

Tasótkel aýylyn ustap turǵan «Temirlan» JShS dırektory Erlan Alın aýyl turǵyndary demalys ortalyǵyn da ashyp bergen. Qazir munda ártúrli jastaǵy aýyl turǵyndary bos ýaqytyn ótkize alady.

Sondaı-aq, ol jańa qazandyqtan eki ortalyq kóshe boıymen turǵyn úılerge jylý qubyryn salýda. Buǵan aýyldyń barlyq ónerkásiptik jáne áleýmettik nysandary, sonyń ishinde At sporty mektebi, sút óńdeý tsehy qosylady.

Іs-saparymen keletin mehanızatorlar úshin jataqhana ǵımaratyn da qlapyna keltirildi. Aýylda bos turǵan ǵımarat joq, jumysshylar men mamandar úshin jańadan eki páterli úı salyndy.

«Aýyldyń jańa turǵyndary úshin páter satyp alyndy, olardy qurylysshylarymyz jóndep, qys mezgiline jan-jaqty daıyndady. Barlyǵy rıza sııaqty. Shaǵym aıtyp jaatqan joq. Eki otaǵasy fermada, úsheýi mádenıet jáne jalpy bilim berý salalarynda jumys isteýge nıet bildirdi. Bizge ár túrli mamandar qajet, barlyǵy mamandyq boıynsha jáne jan-jaqty jumys tabady», - dep atap ótti Erlan Alın.

Qonys aýdarýshylar qatarynda - jergilikti mektepke muǵalimder, jumys tájirıbesi bar klýb qyzmetkeri, malshylar, eginshiler bar. Olardyń ómir súrýi úshin barlyq jaǵdaı jasalyp jatyr.

Arqalyqtan Tasótkelge kóship kelgen saýynshy Irına Gýsıeva aýyl ózine unaǵan aıtady.

«Maǵan munda adamdarǵa qalaı qamqorlyq jasalyp jatqandyǵy týraly aıtqan bastapqy da sene almadym. Keıin oǵan ózim jeke kóz jetkizdim. Osynda kóship kelemin deýshilerge munda bári jaqsy degim keledi», - deıdi Irına Gýsıeva.