Aqmola oblysyndaǵy 50 balabaqshada sanıtarlyq talaptardyń saqtalmaǵany anyqtaldy

KÓKShETAÝ. QazAqparat – Prokýratýra organdary Aqmola oblysyndaǵy 50 balabaqshada sanıtarlyq talaptardyń saqtalmaǵanyn anyqtady, dep habarlaıdy QazAqparat tilshisi.

Oblystyq prokýratýranyń baspasóz qyzmetiniń málimetinshe, balabaqshalardyń sanıtarlyq-epıdemıologııalyq salaýattylyq salasyndaǵy zańnama talaptaryn saqtaýyna taldaý júrgizilgen. Onyń qorytyndysy boıynsha jekelegen mektepke deıingi bilim berý uıymdarynda balalardyń tamaqtaný jaǵdaılaryna qoıylatyn talaptardyń saqtalmaǵany anyqtaldy.

«Atap aıtqanda, keıbir balabaqshalarda eki aptalyq tańǵy asqa ystyq taǵam qarastyrylmaǵan. Sondaı-aq, mázirde taǵamdardyń qaıtalanýy, qajetti normany usynbaý jáne taǵamnyń keıbir túrleriniń múlde bolmaýy tirkeldi. 20 myńnan astam bala tárbıelenip jatqan 50 balabaqshada sanıtarlyq talaptar saqtalmaǵan», - dedi organnan.

Sondaı-aq, málim etilgenindeı, taldaý qorytyndysy boıynsha prokýrorlyq qadaǵalaý aktileri engizilgen. Laýazymdy tulǵalar tártiptik jaýapqa tartylyp, anyqtalǵan zań buzýshylyqtar joıyldy.

Aıta ketsek, budan buryn Aqmolada sanıtarlyq normaǵa saı kelmeıtin tamaq óniminiń 79%-y – ımport taýarlary ekenin jazǵanbyz.