Aqmola oblysyndaǵy 120 avtomobıl jolynda avtopatrýl uıymdastyrylǵan

KÓKShETAÝ. QazAqparat - Aqmola oblysynda bıznes jáne jeke kásipkerlik nysandarynyń, asa qorǵalǵan nysandardyń qaýipsizdigi qamtamasyz etilgen. Bul týraly jýrnalıstermen ótken brıfıngte Jergilikti polıtsııa qyzmeti basqarmasy bastyǵynyń orynbasary Erbolat Qusaıynov málim etti, dep habarlaıdy QazAqparat tilshisi.

Onyń aıtýynsha, óńirde oblystyq Polıtsııa departamentiniń jeke quramy qyzmet atqarýdyń erekshe rejımine aýystyrylyp, azamattardyń qaýipsizdigin, zańdylyqty saqtaý jáne quqyqtyq tártipti qamtamasyz etý boıynsha sharalar atqarylýda.

«Buzaqylar men qylmystyq toptar tarapynan zańbuzýshylyq áreketterdi aldyn alý jumystary polıtsııa departamentiniń barlyq bólimshelerinde júzege asyrylýda. Jalpy, oblys aýmaǵynda eldi mekenderge qatynaıtyn 120 avtomobıl jolynda avtopatrýl uıymdastyrylǵan. Budan bólek, aýdan jáne qalalardaǵy kóshelerde 600-den astam baǵytta tártipti saqtaý boıynsha jaıaý patrýl jumys isteýde», - dedi E.Qusaıynov.

Spıkerdiń aıtýynsha, óńirde bıznes jáne jeke kásipkerlik nysandarynyń, asa qorǵalǵan nysandardyń qaýipsizdigi qamtamasyz etilgen.

«Memleket basshysynyń tótenshe jaǵdaı jónindegi qaýlysyndaǵy talaptardyń saqtalýyn qamtamasyz maqsatynda polıtsııa qyzmetkerleri bólek anyqtalǵan 180 jaıaý baǵytta qyzmet atqarýda. Qoǵamdyq tártiptiń saqtalýyna táýlik boıy Polıtsııa departamenti apparatynyń qyzmetkerleri, arnaıy jasaqtar, patrýldik polıtsııa men ýchaskelik ınspektorlardyń jáne jedel qyzmetterdiń kúshteri jumyldyrylǵan. Polıtsııa patrýli narıadynyń barlyq kúshteri kez kelgen qylmystyq árketti aldyn alý úshin bıznes jáne jeke kásipkerlik nysandarynyń, asa qorǵalǵan nysandardyń mańyna jaqyndastyrylǵan», - dep qosty E.Qusaıynov.