Aqmola oblysynda jylytý maýsymy 20 qyrkúıekten bastalady
Aqmola oblysynyń energetıka jáne turǵyn úı-kommýnaldyq sharýashylyǵy basqarmasynyń málimetinshe, barlyq jabdyq kez kelgen ýaqytta iske qosýǵa daıyn, al otyn qoımalarda saqtalǵan.
«Qyrkúıek aıynyń ortasyna qaraı oblystyq bıýdjet esebinen júrgiziletin daıyndyq jáne jóndeý jumystary 4 373 áleýmettik nysan men turǵyn úıde, sondaı-aq 663 qazandyqta júrgizildi. 2021-2022 jyldardaǵy qysqa daıyndyq kezinde 75 shaqyrymnan astam jeli jańartyldy. Qoldanystaǵy ınvestıtsııalyq baǵdarlamalar aıasynda menshikti aqsha resýrstary óndiristik protsesske jáne kommýnaldyq kásiporyndarǵa jiberildi», - dep atap ótti vedomstvoda.
Jylýmen jabdyqtaý obektileri úshin kómir men mazýt satyp alýǵa aqshalaı qarajat oblystyq jáne jergilikti bıýdjetterden, sondaı-aq qyzmet kórsetetin kásiporyndardan bólinedi.
«Búginde qys mezgilin ótkizýge qajetti otyn kólemniń úshten bir bóliginen astamy satyp alyndy. Oblystyń barlyq jylýmen qamtamasyz etý uıymdarymen ony jetkizýge ýaqytyly sharttar jasaldy», - dep túsindirdi vedomstvodan.
Sonymen qatar, Aqmola oblysynda halyqqa kómir satatyn 56 pýnkt jumys isteıdi. Búginde kómirdiń ortasha baǵasy tonnasyna 13,2 myń teńge. Sondaı-aq, aýdan jáne qala ákimdikteriniń turǵyn úı-kommýnaldyq bólimderinde turǵyndardy tuıyqtaǵy otyn qory týraly habardar etý úshin jedel jeliler ashyldy.
Vedomstvodan atap ótkendeı, ázirge kómir ótkizý pýnktterinde kezek baıqalmaıdy.