Aqmola oblysynda jylý qazandyqtaryna kúrdeli jóndeý jumystary júrgizilýde

Foto: None
KÓKShETAÝ. QazAqparat - Aqmola oblysynyń Ereımentaý aýdanynda 404 jeke turǵyn úı men 23 kóp páterli úı birortalyqtandyrylǵan jylý júıesine qosylady. Bul qalada jylý qazandyqtarynyń qýatyn arttyrý jumystary kezeń-kezeńimen atqarylyp keledi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýdan ákimdiginiń málimetinshe, 2020 jyly Ereımentaý aýdanyńda turǵyndar páterlerdegi tómen temperatýraǵa shaǵymdanǵan bolatyn. Munyń sebepteri qazandyq qondyrǵylarynyń tozýy saldarynan týyndaǵan tehnıkalyq aqaýlardan bolyp otyr.

Ereımentaý aýdandyq turǵyn úı-kommýnaldyq sharýashylyq bóliminiń jetekshisi Botagoz Amanbektiń aıtýynsha, «Jol kartasy – 2020» baǵdarlamasy aıasynda atalǵan jylý qazandyǵyn jóndeýge bıýdjetten qarjy bólingen.

«Qazirgi tańda jóndeý jumystarynyń 80 paıyzy oryndaldy. Qajetti materıaldardyń barlyǵy jetkizildi. Abattandyrý, syrtqy tútin shyǵatyn tútikterdi aýystyrý qaldy. Jóndeý jumystaryna barlyǵy 188 adam tartylǵan. Onyń ishinde 94 adam «Jumyspen qamtýdyń jol kartasy» baǵdarlamasy arqyly eńbek etedi» - dedi aýdandyq ákimdiktegiler.

Búgingi kúni bir ortalyqtandyrylǵan jylý júıesine 279 turǵyn úı jáne 2420 páter qosylyp otyr, taǵy da 23 kóppáterli turǵyn úı men 404 jeke úılerdi, sondaı-aq, 25 áleýmettik mekemelerdi qosý josparlanǵan. Jobanyń iske asyrý merzimi – 2 jyl.


Seıchas chıtaıýt