Aqmola oblysynda jyl sońyna deıin 570 myń sharshy metr baspana paıdalanýǵa beriledi

KÓKShETAÝ. QazAqparat - Bıyl jyl sońyna deıin Aqmola oblysynda «Nurly jer» memlekettik baǵdarlamasy sheńberinde qarjylandyrýdyń barlyq kózderi esebinen 570,3 myń sharshy metr baspana paıdalanýǵa beriledi, dep habarlaıdy QazAqparat oblystyq ishki saıasat basqarmasyna silteme jasap.

Vedomstvonyń málimetinshe, búgingi kúni turǵyndardy baspanamen qamtý basty másele bolyp otyr. Oblystyq qurylys basqarmasynyń málimetinshe, sońǵy úsh jyl ishinde baspana tapsyrý boıynsha oń dınamıka baıqalady. 2018 jyldyń birinshi jartyjyldyǵynda 248,4 myń sharshy metr baspana paıdalanýǵa berlise, 2020 jyldyń sáıkes kezeńinde bul kórsetkish 277,4 myńdy qurady. Budan bólek, nesıelik turǵyn úı qurylysynyń geografııasy artýda. Máselen, «Nurly jer» baǵdarlamasy sheńberinde oblys ortalyǵynan bólek, aýdan ortalyqtary – Aqkól, Bulandy, Ereımentaý, Atbasar, Býrabaı, Esil aýdandarynda turǵyn úıler salynýda. Esil aýdanynda turǵyndardyń áleýmettik sanatyna arnalǵan 45 páterli turǵyn úıdiń qurylysy aqtalýǵa jaqyn.

Bas merdiger «Kompanııa Granıt Servıs» JShS dırektory Bahyt Ábdımáýlenovtyń aıtýynsha, qurylys jumystary josparǵa saı júrgizilip, qarasha aıynda tapsyrý josparlanǵan.

«Qazirgi kezde tórtinshi qabattyń monolıti quıylýda, ishki jáne syrtqy árileý, syrtyq elektrmen jabdyqtaý – 95 paıyz, sýmen jabdyqtaý –100 paıyz, káriz júıesi – 80 paıyz, baılanys júıesi – 95 paıyz jumystary júrgizildi», - deıdi merdigerler.

Aıtalyq, bıylǵy jyly 38 kóppáterli turǵyn úıdiń qurylysy júrgizýlde. Onyń ishinde «Nurly jer» baǵdarlamasy boıynsha 20 jaldamaly, 13 nesıelik turǵyn úı, «Jumyspen qamtýdyń jol kartasy» baǵdarlamasy boıynsha 4 turǵyn úı, «Óńirlerdi damytý» baǵdarlamasy boıynsha 1 turǵyn úı salynýda.