Aqmola oblysynda jumysshynyń jaraqat alýyna baılanysty tergeý bastaldy

KÓKShETAÝ. QazAqparat – Aqmola oblysynda jumysshynyń jaraqat alýyna baılanysty sotqa deıingi tergeý bastaldy, dep habarlaıdy QazAqparat tilshisi óńirlik Polıtsııa departamentiniń baspasóz qyzmetine silteme jasap.

Tselınograd aýdandyq polıtsııa bólimine Astanadaǵy qalalyq aýrýhanaǵa «jabyq mı jaraqaty, mıdyń shaıqalýy, ish jáne keýde qýystarynyń jaraqaty, bel omyrtqasynyń zaqymdanýy» dıagnozymen atalǵan aýdannyń 48 jastaǵy turǵyny jetkizilgeni habarlanǵan.

Belgili bolǵandaı, jergilikti sharýa qojalyqtarynyń birinde jumys istep júrgen er adamdy kóligi qysyp qalǵan.

«Osy oqıǵaǵa baılanysty Qylmystyq kodekstiń 156-baby «eńbekti qorǵaý erejelerin buzý» boıynsha sotqa deıingi tergeý bastaldy. Qazirgi ýaqytta memlekettik eńbek ınspektory oqıǵanyń mán-jaıyn tekserip jatyr. Sot-medıtsınalyq saraptama taǵaıyndaldy», - dedi

Aıta ketsek, budan buryn Aqmola oblysynda toq soqqan jumysshynyń ólimine baılanysty is qozǵalǵan edi.