Aqmola oblysynda jumysshynyń óndiriste jaraqat alýyna baılanysty is qozǵaldy

KÓKShETAÝ. QazAqparat - Aqmola oblysynda er adam óndiristik jaraqat aldy. Polıtsııa eńbekti qorǵaý erejelerin buzý boıynsha qylmystyq isti tergep jatyr, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy 31 shildede Kókshetaý qalalyq PB kezekshi bólimine jergiliktigi medıtsınalyq mekemeden habar túsken.

Onda aýrýhanaǵa «oń jaqtaǵy úlken ortańǵy jilinshiktiń úshten bir bóliginiń ashyq synýy, oń jaq tobyqtyń jyrtylýy» dıagnozymen 42 jastaǵy er adam jetkizilgeni aıtylady.

«Belgili bolǵandaı, er adam Krasnoıar aýylynyń turǵyny jáne jergilikti JShS-niń birinde pressovşık bolyp jumys istegen. Sol kúni saǵat 16:40 shamasynda Krasnoıar aýylyndaǵy metall bazasynda jumys ústinde júk kótergish aıaǵyn basyp ketken. Osy derekke baılanysty Qylmystyq kodekstiń 156-baby 1-bóligi boıynsha sotqa deıingi is qolǵa alynyp, saraptama taǵaıyndaldy», - dedi vedomstvodan.

Jyl basynan beri Aqmola oblysynyń aýmaǵynda eńbekti qorǵaý erejesin buzý boıynsha 20 qylmystyq is tirkelgen.

Aıta ketsek, budan buryn Aqmola oblysynda topyraq basyp qalǵan 59 jastaǵy jumysshy kóz jumǵan edi.